SWAMY SARANAM... GURUVE SARANAM...

” உண்ணமுலை உமையாளொடும் 
உடன் ஆகிய ஒருவன் பெண் ஆகிய பெருமான் மலை திருமாமணி திகழ மண் ஆர்த்தன அருவித்திரள் மழலை முழவு அதிரும் அண்ணாமலை தொழுவார் வினைவழுவாவணம் அறுமே “ (திருஞானசம்பந்தர்)

அனைவருக்கும் என் அன்பார்ந்த காலை வந்தனங்கள் .. குருவருளும் .. இறையருளும் கூடிய வியாழக்கிழமையாகிய இன்று ஞானத்தை அளித்து பாவத்தை மட்டுமன்றி ஆணவத்தை இறக்கிவைக்கும் தலமாகிய திருவண்ணாமலையில் பரணி நட்சத்திரமாகிய இன்று “ மஹாபரணி தீபம் “ ஏற்றும் புனிதமான நன்னாளாகும் .. இன்றைய நாளிலிருந்து தங்கள் வாழ்வும் ஓர் தீபமென என்றும் ஒளிமயமானதாக பிரகாசிக்கவும் .. அனைத்து கவலைகளும் நீங்கி மகிழ்ச்சிகரமானதாக திகழவும் 
அண்ணாமலையானைப் பிரார்த்திப்போமாக !

ஓம் தத்புருஷாய வித்மஹே ! 
மஹாதேவாய தீமஹி ! 
தந்நோ ருத்ரஹ் ப்ரசோதயாத் !!

கார்த்திகை மாதத்தில் வரும் பௌர்ணமியே பெரிய கார்த்திகை எனப்படும் .. இந்நாளில் திரு அண்ணாமலை கிரிவலம் மிகச்சிறப்பான திருவிழாவாகக் கொண்டாடப்படுகிறது .. அண்ணாமலியில் அமைந்திருக்கும் கிரிவலப் பாதையான 14 கி.மீ . தூரத்தை நடந்தே சென்றால் அப்படி பயணிப்பவர்களின் கர்மவினைகள் பெருமளவு கரைந்துவிடும் ..

இங்கு அண்ணாமலையே சிவபெருமானாக காட்சியளிக்கிறார் .. ஒவ்வொரு பௌர்ணமிக்கும் சித்தர்கள் இங்கு கிரிவலம் வருவார்கள் .. துறவி வடிவில் அல்ல நம்மைப்போலவே சாதாரண உடை அணிந்து வருவார்கள் .. நாமும் பௌர்ணமிக்கு கிரிவலம் சென்றால் நமது முன்னோர்களில் யாரும் சித்தராக இருந்திருந்தால் அவர்களது அருட்பார்வையும் நம்மீதுபட்டு நம் பாவங்கள் மட்டுமல்ல நமது முந்தைய மனிதப் பிறவிகளிலும் செய்தபாவவினைகள் தீர்ந்துவிடும் ..

கார்த்திகை மாத பௌர்ணமியன்று பிரபஞ்சம் முழுவதும் இருந்து அனைத்து சித்தர்களும் அண்ணாமலைக்கு வருகை தருவார்கள் .. கிரிவலம் வரும் சிலருக்கு காட்சியளிப்பதும் உண்டு .. பலரிடம் பேசுவதும் உண்டு ..

மஹாவிஷ்ணு .. பிரம்மா இருவருக்கும் சிவபெருமான ஜோதிப்பிழம்பாய் காட்சி அளித்தநாள் அன்னை பார்வதிதேவி சிவபெருமானின் இடப்பாகம் அமர்ந்த நாளும் கார்த்திகை பௌர்ணமி தினமாகும் 
பௌர்ணமி நாலில் முழுநிலவின் ஒளியிலிருந்து பதினாறு கலைகள் பிரகாசிப்பதாலும் .. அண்ணாமலையில் ஒளிக்கதிர்கள் சிதறி மலை வலம்வரும் பக்தர்களின் உடலிலும் .. உள்ளத்திலும் ஊடுருவிப் பாய்வதாலும் .. மலை வலம் வரும்போது பக்தர்கள் எண்ணுவதை அப்படியே நிறைவேற்றிவிடுவார் ..

அருளும் .. பொருளும் .. நோயற்ற வாழ்வும் .. வெற்றியும் .. மகிழ்வும் .. திருமணம் நடைபெறவும் .. புத்திரப்பேறு ஏற்படவும் .. தரித்திரத்தையும் .. துக்கத்தையும் .. வறுமையையும் நீக்கி .. செல்வத்தைத் தந்திடவும் “ ஓம் நமசிவாய “ என்று பிரார்த்தித்தவாறு மலை வலம் வருவோம் ! மனநலம் பெறுவோம் !

“ ஓம் அருணாசலேஸ்வராய போற்றி ! போற்றி ” 
வாழ்க வளமுடனும் .. என்றும் நலமுடனும் ..