உண்ணுவதும் உறங்குவதும் அன்றி வேறொன்றும் அறியாமல்
பண்ணிடும் செயலிலெல்லாம் உன்னை ஒன்றும் சேர்க்காமல்
எண்ணிடும் எண்ணத்தில் உனை ஒரு போதும் நினையாமல்
கண்ணிய வாழ்விருந்தும் அதைப் போற்றத் தெரியாமல்
விண்ணிலிருக்கும் நீ மண்ணில் வந்து வாழ்ந்திருந்தும்
கண்ணால் காணுகின்ற எண்ணம் போலும் இல்லாமல்
மண்ணில் வாழ்ந்து விட்டேன் இத்தனை நாள் கடந்துவிட்டேன் 
வெறுத்தாலும் அணைக்க மறக்காத தாய் போல- உன்
திருவிழியால் ஆசிகளைத் தந்திடவே விழைகின்றாய்
பொருத்து என் பிழை எல்லாம் பெரு வாழ்வு தருகின்றாய் 
சிறுத்த என் மனதினிலே சீரியன் நீ வந்தமர்ந்து 
பெருத்த மாற்றங்கள் நலமளிக்க செய்கின்றாய்
அறுத்தென்னைக் களையாது அருகே வைக்கின்றாய்
ஒரு போதும் அகலாது புகலிடமும் தருகின்றாய் - இனி 
உனைப் பேணுவதல்லாத செயல் ஒன்றும் நான் செய்யேன் 
எனைப் பேணி அடை காத்து உன் நிழலில் வைத்திருப்பாய் -