PANVEL BALAGAN PATHAMPOTRI.....SWAMIYE SARANAM IYYAPPA,......GURUVE SARANAM SARANAM....

அனைவருக்கும் என் அன்பார்ந்த காலை வந்தனங்கள் .. ஆனிமாத உத்திர நட்சத்திரமாகிய இன்று நடராஜப்பெருமானுக்கு சாயரட்சை பூஜையில் சிறப்பு அபிஷேகமும் .. அலங்காரமும் நடைபெறுகிறது .. இதனை 
” ஆனித்திருமஞ்சனம் “ என்பர் .. மஞ்சனம் என்றால் நீராடல் என்று பொருள் .. சிவாலயம் சென்று நடராஜப் பெருமானையும் சிவகாமியம்மனையும் தரிசிப்பது சாலச்சிறந்தது .. 
தங்களனைவருக்கும் சகலசம்பத்துக்களும் பெற்று மகிழ்ச்சியுடன் வாழ இறைவனைப் பிரார்த்திக்கின்றேன் ..

சிவாலயங்களில் நடராஜருக்கு நடத்தப்பெறும் அபிஷேக விழாக்களில் சிறப்பான விழாக்கள் இரண்டு .. 
ஒன்று - மார்கழித் திருவாதிரை .. 
மற்றொன்று - ஆனி உத்திர நட்சத்திரத்தன்று நடக்கும் திருமஞ்சனம் .. இவ்விரு நாட்களில் மட்டுமே அதிகாலையில் அபிஷேகம் நடக்கும் .. (சூரியன் உதிக்கும் முன் )

அபிஷேகத்திற்குப் பின் ஆபரணங்கள் அணிவிக்கப்பட்டு பூஜை நடைபெறும் .. உச்சிவேளையில் (மதியம்) நடராஜர் ஆனந்த நடனம் ஆடியபடியே சித்சபையில் எழுந்தருள்வார் ..அவருடன் சிவகாமி அம்மையும் இருப்பார் .. பின் மகாதீபாராதனை நடக்கும் .. அன்றிரவே கொடி இறக்கப்படும் ..

நடராஜரின் திருப்பாதங்களில் வேதங்கள் சிலம்பாக ஒலிக்கிறது .. வலக்கை டமருகம் இசைக்கிறது .. இடக்கை அக்னியைத் தாங்கியிருக்கிறது ..அவரின் சிவந்த இதழ்கள் புன்முறுவலைக் காட்டுகின்றது .. பால்போல வெண்ணீறு காற்றில் நறுமணம் பரப்புகிறது .. செஞ்சடை எட்டுதிக்குகளிலும் விரித்தாடுகிறது .. வலக்கால் அசுரனை மிதித்து நிற்கிறது .. இடக்கால் குஞ்சித பாதமாக 
(தொங்கிய நிலையில்) நமக்கு அருள்செய்கிறது .. இதயம் என்னும் கோயிலில் இறைவன் இடைவிடாமல் திருநடனம் ஆடிக்கொண்டே இருக்கிறார் ..

இதைக்கண்டு தரிசித்தால் வாழ்வில் எப்போதும் நமக்கு ஆனந்தமே ! ஓம் நமசிவாய ! வாழ்க வளமுடனும் ! நலமுடனும் !

GOOD MORNING DEAR FRIENDS .. WISH YOU ALL A BLESSED WEDNESDAY TOO .. MAY LORD SHIVA SHOWER YOU WITH GOOD HEALTH .. WEALTH AND HAPPINESS .. " OM NAMASHIVAAYA " ..

Like · Comment · 

Share