PANVEL BALAGAN SARANAM.....GURUVE SARANAM...IYYAPPA SARANAM SARANAM

அனைவருக்கும் என் அன்பார்ந்த காலை வந்தனங்கள் .. புதன்கிழமையாகிய இன்று ‘ கருட பஞ்சமி ‘ வருவதால் .. விரதமிருந்து மஹாவிஷ்ணுவையும் .. கருடபகவானையும் துதித்து தங்களனைவருக்கும் சகல சௌபாக்கியங்களும் பெற்று மகிழ்ச்சியுடன் வாழ கருடபகவான் அருள்புரிவாராக .. 

ஓம் தத்புருஷாய வித்மஹே !
சுவர்ணபட்சாய தீமஹி ! 
தந்நோ கருட ப்ரசோதயாத் !! 

பெருமாளின் வாகனமாகவும் .. கொடியாகவும் விளங்கும் கருடனுக்கு உகந்த விரதம் “ கருட பஞ்சமியாகும் “ .. இன்றைய தினத்தில் கருடவழிபாடும் .. விஷ்ணுவழிபாடும் கனிந்த வாழ்க்கையை அமைத்துக்கொடுக்கும் .. 

கருடனைப்போல பலசாலியும் .. புத்திமானாகவும் .. வீரனாகவும் மைந்தர்கள் அமைய அன்னையர்கள் கருடபஞ்சமியன்று ஆதிசேஷன் விக்கிரகம் வைத்து சிறப்பு பூஜைகள் செய்கின்றனர் .. 

வினதையின் மைந்தன் .. கருடனின் மாற்றந்தாய் கத்ருவின் மைந்தர்களான நாகங்கள் செய்த சூழ்ச்சியினால் வினதை அடிமையாக நேர்ந்தது .. அன்னையின் அடிமைத் தளையைக் களைய கருடன் தேவலோகம் சென்று அமிர்தம் கொண்டுவர 
நேர்ந்தது .. பெருமாளுடன் கருடன் போரிடும் வாய்ப்பும் வந்து .. பெரிய திருவடியாக எப்போதும் பெருமாளைத் தாங்கும் பாக்கியமும் கிட்டியது .. 

எனவே கருட பஞ்சமியன்று ஆதிசேஷன் விக்கிரகம் வைத்து பூஜை செய்யப்பாடுவதாக ஐதீகம் .. கருடனின் உடலில் எட்டு ஆபரணமாக விளங்குபவையும் அஷ்டநாகங்களே ! நோன்பிருந்து கௌரி அம்மனை நாகவடிவில் ஆராதிக்க வேண்டும் .. அடிக்கடி கெட்டகனவு ஏற்படுதல் .. பயம் பாம்பு எதிர்படுதல் .. போன்றவைகளால் சிரமப்படுபவர்கள் இந்த விரதம் அனுஷ்டித்தால் துன்பத்திலிருந்து விலகுவார்கள் என்று ஐதீகம் ..

கருடபவானைப்போற்றுவோம் ! நன்மைகள் பலநல்கும் கருட பஞ்சமியை அனுஷ்டித்து நலம்பல பெறுவோமாக ! 
“ ஓம் கருடபகவானே நமோஸ்துதே “ .. வாழ்க வளமுடனும் .. நலமுடனும் .. 

GOOD MORNING DEAR FRIENDS .. WISH YOU ALL A BLESSED 
' GARUDA PANJAMI DAY ' .. AND MAY GARUDA BAGAVAN BLESS YOU 
FOR A BRIGHT FUTURE .. " JAI GARUDA BAGAVAN " .