SWAMY SARANAM..GURUVE SARANAM..GOOD MORNING DEAR FRIENDS .. WISH YOU ALL A BLESSED & A DIVINE " AKSHAYA TRITIYA " .. MAY GODDESS MAA LAKSHMI SHOWER YOU WITH GOOD LUCK & SUCCESS WHICH NEVER DIMINISHES .. " JAI MAA LAKSHMI "

” எங்களை வாழவைக்கும் எங்களின் அன்னை நீயே ! 
எங்களின் உயிரில் ஆத்மா என்றிடும் இறைவி நீயே ! 
பொங்கொளி பரப்பும் தாயே ! புனிதமே கோபிகொண்ட 
மங்கள அன்னை நீயே ! மலரடி பணிகின்றோமே “

அனைவருக்கும் என் அன்பார்ந்த காலை வந்தனங்களும் .. அட்சயதிரிதியை நல்வாழ்த்துகளும் உரித்தாகுக .. இல்லறங்களில் கிருஹலக்ஷ்மி என்ற கிரஹதேவதையாகவும் .. வாரிவழங்கும் காமதேனுவாகவும் .. சமுத்திரத்தில் தோன்றியவளும் வேள்வியின் நாயகியுமாகிய அன்னை மஹாலக்ஷ்மியைத் துதித்து தங்களனைவரது துயர்களைந்து .. அன்னையின் கருணைமிகுந்த பார்வையினால் துன்பத்தை நீக்கி பொருள்மழை பொழிவித்து நல்லாரோக்கியமும் அருளிட அன்னையைப் பிரார்த்திக்கின்றேன் ..

ஓம் மஹாலக்ஷ்ம்யை ச வித்மஹே ! 
விஷ்ணு பத்ந்யை ச தீமஹி ! 
தந்நோ லக்ஷ்மீ ப்ரசோதயாத் !!

நட்சத்திரங்கள் .. திதிகள் எல்லாம் நம் அன்றாட வாழ்வில் முக்கிய பங்கு வகிப்பவை .. சிலமாதங்களில் வரும் திதிகளுக்கு தனி சிறப்புண்டு .. அந்த வகையில் சித்திரை மாதம் வரும் அமாவாசைக்கு பிறகுவரும் 3ம் திருதியை திதி “ அட்சய திருதியை “ என போற்றப்படுகிறது ..

“ அட்சயம் “ என்றால் வளர்வது குறையாது என்று பொருள் .. அன்றைய தினத்தில் செய்கின்ற .. ஆரம்பிக்கும் அனைத்து காரியங்களும் வெற்றிகரமாக நடக்கும் .. நல்லபயனைத் தரும் என்பது வேதவாக்கு ..

இந்நாளைப் பற்றி புராணங்களிலும் .. நாடிகளிலும் தர்மசாஸ்திரத்திலும் பலவிஷயங்கள் சொல்லப்பட்டுள்ளன .. அவற்றுள் சில -

பகவான் ஸ்ரீகிருஷ்ணரின் பால்யநண்பர் குசேலன் .. வறுமையில் வாடுகிறபோது ஸ்ரீகிருஷ்ணரை சந்திக்க முடிவெடுத்து ஒருபிடி அவலை தன் மேலாடையில் முடிந்துகொண்டு புறப்படுகிறார் .. அவரை நன்கு உபசரித்த கிருஷ்ணபகவான் அவர் அன்போடு கொண்டுவந்த அவலை மகிழ்ச்சியுடன் உண்டு அந்த அவலின் ருசியில் மகிழ்ந்து “ அட்சயம் உண்டாகட்டும்” என்று வாழ்த்தி அனுப்புகிறார் .. அதேகணத்தில் குசேலனின் வீடு மாடமாளிகையாக மாறுகிறது .. அஷ்ட ஐஸ்வர்யங்களும் அவரது வீட்டில் குடிகொள்கின்றன ..

மஹாவிஷ்ணுவின் 6வது அவதாரமான பரசுராமனின் பிறந்தநாளாகவும் .. சிவனுக்கு காசி அன்னபூரணி அன்னபிக்ஷை அளித்தநாளாகவும் .. கௌரவர்கள் சபையில் திரௌபதி துகிலுரியப்பட்டபோது ஸ்ரீகிருஷ்ணர் “ அட்சய “ எனக்கூறி ஆடையை வளரச்செய்து அருள்பாலித்ததும் இந்நாளே ! ஐஸ்வர்யலக்ஷ்மி அவதரித்த நாளும் இன்றே ! சங்கநிதி .. பத்மநிதியை குபேரன் பெற்றநாள் .. மஹாவிஷ்ணுவின் வலமார்பில் மஹாலக்ஷ்மி இடம் பிடித்தநாள் என பலசிறப்புகளைக் கொண்டது இந்நாள்

” பிறருக்கு ஒருவன் கொடுப்பதெல்லாம் தனக்கே கொடுத்துக்கொள்கிறான் “ என்பது ஸ்ரீரமணர் வாக்கு ! இல்லாதோர் .. இயலாதோருக்கு அவர்கள் தேவையறிந்து செய்யும் உதவிகள் .. தர்மங்கள் பலமடங்கு அதிகமாக உதவி செய்தவருக்கே ஏதாவது ஒருவகையில் திரும்பக்கிடைக்கும் .. மேலும் மேலும் தான தருமங்கள் செய்கிற அளவுக்கு வளமான வாழ்வையும் நமக்கு ஏற்படுத்தித் தரும் ..

இந்நாளில் நாம் செய்யும் தான தருமங்கள் நமக்கு புண்ணியத்தைச் சேர்க்கும் .. இந்நாளில் சுயநலத்துடன் செய்கிற காரியங்களைவிட பொதுநலத்துடன் கூடிய காரியங்கள் செய்வது மிகவும் சிறப்பாகும் ..

ஏழை நோயாளிகளுக்கு .. சாலையோரம் வசிப்பவர்களுக்கு .. வேஷ்டி .. சேலை .. போர்வை தானம் செய்யலாம் .. கல்விக்கு உதவலாம் .. ஆதரவற்ற முதியோர் இல்லங்களுக்குச் சென்று உணவு .. உடைகள் வழங்கலாம் .. பசு .. நாய் .. பட்சிகளுக்கு உணவளிப்பதன் மூலம் மன அமைதி .. செல்வ வளம் பெருகும் ..

“ மகிழ்வித்து மகிழ் “ என்று சொல்வார்கள் .. எனவே மற்றவர்கள் மகிழும் வகையில் தான தருமங்கள் செய்து பல புண்ணியங்கள் பெற்று .. ஆயுள் .. ஆரோக்கியம் நிறைந்த வளமான வாழ்வுதனை பெறுவீர்களாக ! 
“ ஓம் சக்தி ஓம் “ 
வாழ்க வளமுடனும் .. என்றும் நலமுடனும் ..