அனைவருக்கும் என் அன்பார்ந்த காலை வந்தனங்கள் .. புதன்கிழமையாகிய இன்று 24.09.2014 நவராத்திரி விரதம் ஆரம்பமாகி பத்தாம் நாள் 03.10 .2014 விஜயதசமியுடன் நிறைவு பெறும் .. ஒன்பது தினங்கள் நவராத்திரி காலமாகும் .. அசையாப்பொருள் பரம்பொருள் என்றும் .. அசைவுடைய செயல் சக்தி என்றும் கூறப்படுகிறது .. பொதுவாக சிவராத்திரி .. கிருஷ்ண ஜெயந்தி .. ராமநவமி போன்ற விழாக்கள் ஒருநாள் விசேஷமாக கொண்டாடப்படுகிறது .. ஆனால் சக்தி வழிபாடு மட்டும் நவராத்திரி என்ற பெயரில் ஒன்பது நாட்கள் விழாவாக கொண்டாடப்படுகிறது .. ஜீவராசிகள் யாவும் துன்பமின்றி நலமோடு வாழ விரதமிருப்பர் .. நவம் என்றால் புதியது என்றும் .. ஒன்பது என்றும் இரு பொருள் தரக்கூடிய சொல்லாகும் .. பழமையோடும் புதுமை கலந்தும் பரிணமிக்க வழிகாட்டும் விழா என்றும் கொள்ளலாம் .. புரட்டாசி அமாவாசை நாளுக்குப் பின் ஒன்பது நாட்கள் கொண்டாடப்படுகிறது .. நவராத்திரியின் போது ஒன்பது வகையில் மலர்வழிபாடு செய்வார்கள் .. கொலுவிலிருக்கும் தேவியரை ஒன்பது ராகங்களில் துதித்து ஒன்பது வகைப் பழங்கள் .. பிரசாதங்கள் படைத்து அன்னையின் மனம் மகிழ்வுறச் செய்வார்கள் .. படைத்தல் .. காத்தல் .. அழித்தல் எனும் மூன்று சக்திகளைக் கொண்ட அன்னையின் அருள்வேண்டி பூஜை செய்தாலே நவராத்திரி வழிபாடாகும் .. துர்க்கா .. லக்க்ஷ்மி .. சரஸ்வதி என மூவகையாக மும்மூன்று நாட்கள் விழாவாகக் கொண்டாடுவதும் .. இறுதியில் பத்தாம் நாள் அம்மனை சிம்மவாகனத்தில் ஊர்வலமாகக் கொண்டு சென்று சூரனை வதம் செய்த நிகழ்ச்சியாக பாரிவேட்டையும் நடைபெறும் ..புரட்டாசி மாதத்தில் நவராத்திரி விழாவில் கொலு வைத்தல் பரம்பரையாகச் செயல்பட்டு வரும் பக்தி நிகழ்ச்சியாகும் .. நல்லோரின் நட்பை ஏற்றுப் போற்றுதலும் பக்தியைப் பெருகச் செய்வதும் கொலுவின் முக்கிய நோக்கமாக அமைகிறது .. பிரதமைமுதல் திரிதியைவரையில் கிரியாசக்தியாகிய துர்க்காதேவியையும் .. சதுர்த்தசி முதல் சஷ்டிவரையில் இச்சாசக்தியாகிய மஹாலக்ஷ்மியையும் .. சப்தமி முதல் நவமி வரையில் ஞானசக்தியாகிய சரஸ்வதியையும் .. வழிபாடு செய்து .. தசமியில் நவராத்திரியை நிறைவு செய்வர் .. மகேஸ்வரி .. மாரி .. வராஹி .. மஹாலக்ஷ்மி .. வைஷ்ணவி .. இந்திராணி .. சரஸ்வதி .. நரசிம்மி .. சாமுண்டீஸ்வரி .. போன்ற தேவியரின் மந்திரங்களை ஒன்பது நாளும் சொல்லி பூஜை செய்வது நலமாகும் .. ஒன்பது நாளும் அன்னையை வழிபடும் அனைத்து அன்புள்ளங்களுக்கும் அனைத்து காரியங்களும் கைகூடும் .. குடும்பத்தில் அன்பும் ஒற்றுமையும் ஓங்கும் .. இல்லத்தில் செல்வம் சேரும் .. ஓம் சக்தி .. WISH YOU ALL A HAPPY MORNING AND A HAPPY NAVARATHRI WISHES TOO .. MAY GODDESS DURGA BLESS YOU FOR A BRIGHTFUL DAY ..