அனைவருக்கும் என் அன்பார்ந்த காலை வந்தனங்கள் .. ஞாயிற்றுக்கிழமையாகிய இன்று ‘ஏகாதசி விரதமாகும்’ .. மஹாவிஷ்ணுவைத் துதித்து தங்களனைவருக்கும் இன்றைய நாள் ஓர் இனிய நன்னாளாய் அமைந்திடவும் .. நினைத்த காரியங்கள் அனைத்தும் வெற்றி பெறவும் பிரார்த்திக்கின்றேன் .. ஓம் நாராயணாய வித்மஹே ! வாசுதேவாய தீமஹி ! தந்நோ விஷ்ணு ப்ரசோதயாத் !! ஏகாதசி என்பது ஒவ்வொரு பக்தர்களுக்கும் ஏகாந்த தினமாகவே உள்ளது .. மோட்சத்தை அளிக்கும் விரதத்தை கடைபிடிக்க வழி ஏற்படுத்தியிருக்கும் விரதமல்லவா..? ‘அமாவாசை’ .. ‘ பௌர்ணமிக்கு’ அடுத்து 11 நாட்களில் ஒரு ஏகாதசி என்ற கணக்கில் ஆண்டுக்கு 24 அல்லது 25 ஏகாதசிகள் வருகின்றன .. இதில் வளர்பிறையில் ஒரு ஏகாதசியும் .. தேய்பிறையில் ஒரு ஏகாதசியும் வரும் .. ஆண்டு முழுவதும் வரும் ஏகாதசிகளுக்கு ஒவ்வொரு பெயர்களும் .. அந்தந்த ஏகாதசி தினங்களில் இருக்கும் விரதங்களால் பக்தர்களுக்கு கிடைக்கப் பெறும் நன்மை பயக்கும் பலன்களும் பலவாறு வகுத்து கூறப்பட்டுள்ளது .. ஒவ்வொரு ஏகாதசியும் ஒவ்வொரு பலனை வழங்கினாலும் “ வைகுண்ட “ பதவிக்கும் வழிவகுக்கும் என்பதே சிறப்புவாய்ந்ததாகும் .. இன்றைய தின ஏகாதசிக்கு “ ஆமலகி ஏகாதசி “ என்று பெயர் .. ஆமலகி என்றால் அளப்பரிய திறன்வாய்ந்த நெல்லி .. ருத்ராக்ஷ்மரம் சிவத்தோன்றல் போல .. நெல்லி திருமாலின் தோன்றலாகும் .. எல்லா தெய்வசக்திகளும் கோமாதா காமதேனுவுள் அடக்கம்போல நலன்பயக்கும் சக்திகள் யாவும் நெல்லியுள் அடக்கம் .. ஆதிசங்கருக்கு அளிக்கப்பட்ட ஒரு நெல்லி அவரை ‘கனகதாரா துதியை’ பாடச்செய்து தங்கமழையை கொட்டுவித்ததுபோல பெரும் பயன் அருளவல்லது .. விரதமிருப்பவர்களுக்கு ஆயிரம் பசுதானம் செய்தபலன் கிட்டும் .. “ ஏகாதசி விரத சங்கல்ப மந்திரம் “ தசமீ தினம் ஆரப்பிய கரிஷ்யேகம் விரதம் தவ த்ரிதினம் தேவ தேவேச நிர்விக்னம் குரு கேசவ .. மஹாவிஷ்ணுவைப் போற்றித்துதித்து இஹபர சுகங்கள் பெற்று .. சகலதுயர்களைந்து மகிழ்ச்சிகரமான வாழ்வு வாழ்ந்திட வாழ்த்துகின்றேன் .. வாழ்க வளமுடனும் .. நலமுடனும் ... WISH YOU ALL A BLESSED SUNDAY WITH THE BLESSINGS AND GUIDANCE OF LORD VISHNU .. MAY HE SHOWER YOU WITH BEST HEALTH WEALTH AND HAPPINESS TOO .. " OM NAMO NAARAAYANAA " ..