SWAMIYE SARANAM IYYAPPA...GURUVE SARANAM

GOOD MORNING DEAR FRIENDS .. WISH YOU ALL A BLESSED AND A DIVINE " KRITHIKAI " AND MAY LORD MURUGA BLESS YOU AND GUIDES YOU AND SHOWER YOU WITH EVERY SUCCESS IN YOUR CAREER WITH GOOD HEALTH AND HAPPINESS TOO .. 
" OM MURUGA " 

அனைவருக்கும் என் அன்பார்ந்த காலை வந்தனங்கள் .. குருவருளும் .. திருவருளும் கூடிய இந்நன்னாளில் 
“ ஆடிக்கிருத்திகையும் “ கூடிவருவது அதிவிசேஷமாகும் 
ஆலயம் சென்று கந்தப்பெருமானை தரிசனம் செய்து எல்லா வளமும் .. நலங்களும் பெற்று எடுக்கும் முயற்சிகள் யாவும் வெற்றிபெற கார்த்திகேயனைப் பிரார்த்திக்கின்றேன் .. 

ஓம் கார்த்திகேயாய வித்மஹே ! 
சக்திஹஸ்தாய தீமஹி ! 
தந்நோ ஸ்கந்த ப்ரசோதயாத் !! 

” கிருத்திகை “ அல்லது ” கார்த்திகை ” என்ற நட்சத்திரம் முருகப்பெருமானுக்கு உகந்த நட்சத்திரமாகும் .. ஆடிமாதத்தில் வரும் கிருத்திகை நட்சத்திரம் சிறப்பானதாகும் .. உலகெங்கும் உள்ள தமிழ் மக்கள் தங்கள் பிரார்த்தனைகளையும் .. நேர்த்திக்கடன்களையும் செலுத்தும் முக்கிய நாளாக இந்நாளை கொண்டாடுகிறார்கள் .. 

எல்லா முருகன் ஆலயங்களிலும் பல்வேறு சிறப்பு வழிபாடுகள் .. அபிஷேக .. அலங்காரங்கள் .. அர்ச்சனை .. வீதி உலா என விமரிசையாக நடக்கிறது .. 

ஆடிகிருத்திகையாகிய இன்று முருகனை வணங்கினால் வெற்றிமேல் வெற்றிகிட்டும் என்று ராமாயணத்திலேயே 
கூறப்பட்டுள்ளது . சீதையைத்தேடி ஆஞ்சநேயர் இலங்கைக்குச் சென்று சீதையைக் கண்டு திரும்பிவரும் வழியில் பேச்சுத்திறனுக்கு அதிபதியான முருகனை வணங்கியதால் “ சொல்லின் செல்வன் “ என்று ஸ்ரீராமனால் அழைக்கப்பட்டார் .. 

ஆடிக்கிருத்திகையில் முருகனாலயம் சென்று வாசனைமலர்களைத்தந்து வணங்கினால் எல்லா நலமும் பெற்று .. பேச்சுத்திறனும் சிறப்பாக அமையும் .. காவடி எடுத்தால் நம்முடைய கஷ்டத்தை அந்த முருகப்பெருமானே சுமப்பார் என்பது ஐதீகம் .. 

கங்கையாகிய ஆறு தாங்கிய “ ஆறு அக்கினி பொறிகள் “
மூலம் ஆறுமுகங்களோடு பிறந்த முருகன் ஆறுபெண்களால் வளர்க்கப்பட்டார் .. குழந்தையாய் வளர்ந்ததும் திருவிளையாடல்கள் புரிந்ததும்
” ஆறுநாட்களே ” என்று சொல்லப்படுகிறது .. இப்படி அனைத்திலும் “ ஆறு “ என்னும் எண் முக்கியமாய் அமையப்பெற்ற முருகனுக்கான நாமமும் “ சரவணபவ “ 
என்பதும் ஆறெழுத்தே ஆகும் .. 

சூரனைவதம் செய்யவேண்டி ஆறுமுகன் தோன்றியதும் .. அவரை கார்த்திகைப் பெண்கள் போற்றி வளர்த்தனர் .. குமாரன் வளர்ந்ததும் அவரை சேர்த்து ஒன்றாக்க உமையுடன் அங்கே எழுந்தருளிய சிவபிரான் கார்த்திகைப்
பெண்களைப் போற்றி வாழ்த்தி இனி கந்தன் இந்தப் பெண்களின் பெயரால் “ கார்த்திகேயன் “ எனவும் அழைக்கப்படுவான் என்று வாழ்த்தியருளினார் .. கார்த்திகை விரதமே கார்த்திகைப் பெண்களை நினைத்து நன்றிசெலுத்தும் விதமாக ஏற்படுத்தப்பட்ட ஒன்று எனக்கூறுவார்கள் .. 

ஆரவாரம் அலைமோதும் நம்வாழ்வில் அடிக்கடி முருகப்பெருமானை தரிசிக்க இயலாவிடினும் .. ஆண்டுக்கொருமுறையேனும் சுடராகப் பொலியும் கிருத்திகை நன்னாளிலாவது முருகனின் திருநாமங்களை இயன்ற அளவில் மொழிந்து .. அவன் எழுந்தருளியுள்ள ஆலயங்களுக்குச் சென்று அகம் உருகி வழிபட்டு அவன் திருப்பாதங்களில் சரணடைவோமாக !

“ ஓம் சரவணபவாய நமஹ “ .. வாழ்க வளமுடனும் .. என்றும் நலமுடனும் ..