தாளாத சோகத்துடன் 
தாய் வீடு தேடி வந்தேன்
சேய் எனைப் பார் பாலகா

காலாதி காலத்துக்கும் 
கண்ணீரே என் தீர்வா என்
கண்களைப் பார் பாலகா

தாயாகித் தந்தையாகி
அம்மான் ஆகிய பெருமானே
நீயாகிலும் இரங்கவில்லை என்றால்
பூலோகம் இருள்  பாலகா

வெங்காயம் உரிப்பதைப் போல்
என் காயம் ஆற்றிவிடு
உன் காலில் விழுந்த பின்னே
சோகங்கள் ஏன்  பாலகா

ஏக்கங்கள் தீர் பாலகா
ஏகாந்த நிலை ஏன் பாலகா

அன்னை மடி சாய்ந்தது போல்
ஆறுதல் தான் அடைந்தேன்
தேறுதல் தான் பெற்றேன்
அன்னையர்க்கு அன்னையே
சற்குருவே சரணம் ஐயப்பா