அருளால் என் அறியாமையை போக்குபவன் நீதானே
ஆவலோடு உனை காண காத்திருப்பதும் நான்தானே
அறிவாற்றலை அள்ளி அள்ளி கொடுப்பவன் நீதானே
அர்த்தமுள்ள வாழ்க்கை வாழ காத்திருப்பதும் நான்தானே
அசுரத்தனமான எண்ணம் அழிப்பவன் நீதானே
அன்றாடம் உனக்கு பூஜை செய்து மகிழ்வதும் என் குருதானே

அதில் அற்புதம் பல நிகழ்த்தி காட்டுபவன் நீதானே
அயராமல் உன்னாமத்தையே ஸ்மரிப்பதும் நான்தானே
அகிலம் போற்றும் தெய்வமாக இருப்பவன் நீதானே
அடிமை எனை நல வாழ்வு வாழ வைக்க வேண்டுவதும் நான்தானே
அகிலலோகநாயகனே அருள்மழை பொழியும் பன்வேல் பாலகனே